Ќе се мијат главите сообраќајници за почист град, соопштуваат од ЈКП Комуналец, кои ветуваат дека ова миење на улиците, во иднина ќе се одвива редовно. Но, за темелно чистење на овие површините граѓаните ќе мора да ги отстранат паркираните автомобили на тротоарите во одреден термин.
Имено, На 15.02.2026 година(недела), од 22:00 часот, се до 07:00 часот утрото, другиот ден, (16.02.2026 година – понеделник), ЈКП,,Комуналец”-Прилеп, ќе извршува ноќно миење на главните сообраќајници во градов.
“Се замолуваат жителите кои живеат на главните сообраќајници или жители кои паркираат, во наведениот термин да ги отстранат автомобилите од тротоарите. Со оваа активност која редовно ќе ја извршуваме во иднина, придонесуваме кон подигнување на хигиената во нашиот град и создавање чиста и здрава животна средина.” информираат од ЈКП „Комуналец“ – Прилеп.
Тие потсетуваат дека за чистотата на градот придонесуваат сите граѓани и замолуваат граѓаните одговорно да ја одржуваат чистотата на јавните површини во градот.
“Чист град е наша заедничка одговорност!
Да придонесеме сите заедно за поубав Прилеп!” – порача и градоначалник на Прилеп, Дејан Проданоски на својата ФБ страница, поддржувајќи ја оваа акција на комуналците.
