Учениците од средното училиште „Ристе Ристески-Ричко“ пред прилепската публика во Кино Мис Стон, изведоа две прекрасни претстави кои ја воодушевија прилепската публика.
Беа одиграни две хуманитарни претстави пред преполна сала, со одлична сценска игра, која кај присутните разбуди силни емоции.
Претставата ,,Диво месо” од Горан Стефановски, беше работена со труд, многу љубов и посветеност, а подготвена од нашите ученици кои ги краси една одлика човечност, но ги поврзува и огромна љубов кон театарската уметност.
Учениците и вработените од училиштето освен посветенот и талент, ја покажаа и својата хумана страна, бидејќи средствата од продадените карти ќе ги искористат во хуманирарни цели и ќе помогнат во лечењето на ученик од ООУ „Добре Јованоски“.
