Градоначалникот Митко Костадиновски, по повод 3 декември , Меѓународниот ден на лица со попреченост, денеска го посети Дневниот центар за згрижување на лица со попреченост во Виница
– Овој ден е потсетник за важноста од поддршка, инклузија и почитување на лицата со попреченост, но и потсетување дека тие не треба да бидат во фокус само на 3 декември. Тие ги живеат своите предизвици, успеси, радости и потреби секој ден, исто како и сите други, и заслужуваат континуирана внимание, разбирање и рамноправни можности, рече градоначалникот на Општина Виница, Митко Костадиновски, при посетата на центарот каде беше приредена пригодна програма во која учествуваа и дечињата од ДГ „Гоце Делчев“.
Општината останува посветена на создавање услови за подобар, подостапен и поквалитетен живот за лицата со попреченост, а ваквите средби се доказ дека заедништвото и инклузијата можат да ја направат заедница посилна, смета Костадиновски.
Содржината на објавата е сопственост на Радио Кочани.
