Чести се органзирираните викенд тури за Солун од голем број македонски туристички агенции и секогаш предизвикуваат интерес заради близината на голем дел македонски градови до Солун, но и заради честите попусти органзирани од страна на солунските трговски центри.
Меѓутоа викендов посетата во Солун за голем дел македонски граѓани имаше друга причина, особено кај македонските земјоделци и сточари. Имено, од 30 јануари до денес во Солун се одржа тринаесетотото издание на Интернационалниот саем за добиток и живина.
Со 954 изложувачи, специјачен фестивал за миленичиња и салон за коњи, ова издание понуди широк спектар на содржини за професионалците и љубителите на домашни животни, живина, коњи, домашни миленици и земјоделска механизација.
Екипата на Радио Пела го посети овој Саем и нашиот заклучок е дека акцентот беше ставен осбено на механизацијата во секторот сточарство и поледелството како гранка која обезбедува храна за сточарството. Станува збор за врвни и усовршени производи од целиот свет, со високи перформанси но и со високи цени, кои би биле исплатливи доколку станува збор за големи фарми, земјоделски комбинати или здружени земјоделски производители.
Во спротивно, за мали производители кои дгледуваат мал број грла добиток и работат помали земјоделски површини, ваквата механизација е прво недостижна, а второ воопшто неисплатлива.
Ова е време кога се уште земјоделската работа не е во полн ек, па голем дел македонски земјоделци и сточари од сите краишта на Македонија, топлото и пријатно време го искористија за едукација, размена на контакти, споделување искуства и договори за можни набавки на земјоделска опрема и соработки.
Покрај поединци и земјоделски здруженија, Саемот го посетија и професори и ученици од СОУ „Орде Чопела“-Прилеп со оглед на тоа што во ова училиште функционираат паралелки од земјоделско-ветеринарната струка.
Низ фотографии ви пренесуваме дел од армосферата на 13 Интернационален саем за добиток и живина Zootechnia во Солун.
Tекст и фото: Филип Димкоски
