Некогашниот второлигаш, ФК Братство од Житоше за пролетната полусезона во Општинската фудбалска лига Прилеп сериозно ги засилува своите редови. Неколку нови фудбалски имиња оваа полусезона ќе го носат дресот ФК Братство 07, коj идната сезона има аспирации да се врати во Трета лига-Југ.
Мерсин Мемеди е новото засилување во нападот. 28 годишниот напаѓач доаѓа од редовите на Победа од Ивањевци. Средниот ред на екипата е засилен со Омер Јусуфи кои доаѓа од младинската школа. Амер Халиловиќ е новиот крилен напаѓач кој доаѓа од ФК Питу Гули од Крушево заедно со 21 годишниот Самир Салиу кој исто така е крилен напаѓач . Бехар Емини е новото засилување како лев бек, фудбалер кои всушност се враќа во матичниот клуб, по две години поминати во ФК Влазрими од Пресил и ново засилување кои го промовира клубот е Онур Имероски кој ја има улогата на среден играч и претставува значајно засилување за тимот на ФК Братство 07 во новата пролетна полусезона.
Екипата започна со интензивни подготовки и со пријателски натпревари пред стартот на полусезоната. Денеска беше одигран и првиот пријателски натпревар, помеѓу ФК Братство 07 и ФК Влазерими 77-Кичево.
Екипата на братство е на второто место во Општинската фудбалска Б лига со три бода помалку од прво на табелата, Канатласпорт кој ќе биде и првиот противник на тимот во пролетната полусезона на гости во Канатларци.
