Во киното Мис Стон утре, 1 април 2026, среда,од 19.00 часот ќе се прикаже филмот „ НА СЀ ДОAЃА КРАЈ“. Филмот е во копродукција од повеќе филмски продукции од Балканот меѓу кои и Македонија. Сценариото е на Рајко Грлиќ, кој воедно е и режисер и Анте Томиќ.
ДИРЕКТОР НА ФОТОГРАФИЈА: Бранко Линта х.ф.с
МОНТАЖА:Томислав Павлиќ х.ф.м
ЗВУК:Момчил Бошков
МУЗИКА:Дуке Бојаџиев
УЛОГИ:Jелена Ѓокиќ, Живко Аночиќ, Борис Исаковиќ, Јанко Поповиќ Волариќ, Емир
Хаџихафисбеговиќ, Ксенија Маринковиќ, Марина Реџеповиќ и Петре Арсовски.
Дејството во филмот е поврзано со главниот јунак Макс Пинтер, успешен адвокат од Загреб, кој успева да ги отфрли обвиненијата против неговиот клиент за двојно убиство, богатиот и моќен бизнисмен Динко Хорват. На прославата, Макс е пијан и му кажува на Динко дека ладнокрвно ги убил работниците, кои што дошле да прашаат за своите плати. Соочувањето со еден од столбовите на општеството го прави Макс непожелна личност, тој го губи својот партнер и клиенти, а неговата сопруга го напушта. Со својата девојка од универзитетските денови, Нина, започнува мисија за одмазда. Од друга страна, никој во оваа приказна не е целосно невин и сите се тесно поврзани.
Филмот учествувал на повеќе фестивали и освоил награди:
– Пулски филмски фестивал 2024
– Златна Арена за сценографија (Жељка Буриќ)
– Златна Арена за најдобра споредна машка улога (Борис Исаковиќ)
Филмски фестивал Херцег Нови 2024
– Златна мимиоза за најдобра женска улога (Јелена Ѓокиќ)
Сараево Филм Фестивал
Влезници на билетарницата од Центарот за култура од 11. 00 до 13.00 часот и еден час
пред проекцијата на филмот во киното Мис Стон.
