По повод Денот на македонската револуционерна борба, вршителот на должноста градоначалник на Општина Кочани Венко Крстевски со претставници од Советот на Општина Кочани, делегација од Сојузот на здружението на борците од НОВ и на локални партиски ограноци, положија свежо цвеќе и оддадоа почит на жртвите за слободна Македонија на Споменикот на слободата, споменикот на Никола Карев и на бистите на Љупчо Сантов и Раде Кратовче во Паркот на Револуцијата.
Честитајќи го празникот, Крстевски нагласи дека тој потсетува на борбата на македонскиот народ за слобода и самобитност и повикува идеалите на македонските револуционери да бидат водилка во современото живеење за постојани општествени и лични промени што водат кон подобар и поправеден свет.
Содржината на објавата е сопственост на Радио Кочани.
