Денеска по повод одбележувањето на државниот празник, Денот на Св. Климент Охридски, 8-ми Декември, со кој се одбележува делото на првиот словенски писател и просветител, првиот словенски епископ и творец на Охридската книжевна школа, Св. Климент Охридски, градоначалникот на Прилеп, Дејан Проданоски, им го честита празникот на своите сограѓани. Тој во својата честитка напиша:
“Во мое лично име и во името на Општина Прилеп, на сите православни верници и на сите наши сограѓани им го честитам големиот христијански празник посветен на Св. Климент Охридски. Денес го одбележуваме споменот на еден од најзначајните духовници, учители и просветители во македонската историја, светителот кој ја постави основата на словенската писменост, ја создаде Охридската книжевна школа и го издигна македонскиот духовен и културен идентитет. Неговото богато наследство и денес претставува столб на нашата традиција, образование и духовност. Нека делото на Свети Климент не води кон мудрост, добрина и човечност. Нека празникот ни донесе мир, здравје и благосостојба. За многу години!“, се вели во честитката на градоначалникот, Проданоски.
