Општина Зрновци ги доби првите рожби за 2026 година
Општина Зрновци со радост ја започнува 2026 година со убави вести. Денес, во 13 часот и 20 минути, во Скопје на свет дојдоа првите рожби поврзани со општината за новата година – близнаците Стефан и Ана.
Гордите родители се познатиот пејач Дуле Зрноивски и неговата сопруга Зорица, кои денес ја доживеаја најголемата животна радост. Мајката и новороденчињата се во добра здравствена состојба, а радоста веќе се споделува меѓу семејството, пријателите и пошироката јавност.
Овие први рожби за 2026 година се симбол на нов почеток, надеж и иднина за Општина Зрновци, носејќи позитивна енергија уште на самиот старт од годината.
Со искрени честитки до семејството, Радио Кочани им посакува на Стефан и Ана да растат живи и здрави, а на родителите многу љубов, радост и среќни моменти.
Да се множат убавините!
Содржината на објавата е сопственост на Радио Кочани.
