На магистралниот пат Битола-Прилеп, денеска во 11:55 часот се случи сообраќајна несреќа меѓу патничко возило Dacia со скопски регистарски ознаки, управувано од Е.И. (37) од Битола, и товарно возило Iveco со битолски регистарски ознаки, управувано од Б.К. (29) од селото Обршани, Општина Кривогаштани.
Во несреќата загинале возачот на патничкото возило Е.И. и сопатникот К.С. (42) од Обединетото Кралство (Велика Британија), соопштија од СВР Битола, а смртта ја констатирал доктор од Итна медицинска помош Битола.
Сопатникот во патничкото возило М.К.Д.Ј. од Индија е пренесен во Клиничка болница Битола за укажување на помош.
Смртта ја констатирал доктор од Итна медицинска помош Битола, а увид во присуство на јавен обвинител извршила увидната екипа на СВР Битола.
