Министерството за животна средина и просторно планирање под чија што надлежност се утврдување на мерки и активности за чиста животна средина за кои што се задолжени да ги почитуваат, меѓу другите, и општините во Македонија со редовно и вонредни теренски контроли, издаде соопштение за извештаите од локалните самоуправи кои пристигнале заклучно со 23 ти јануари годинава. Општина Прилеп направила 5 вонредни инспекциски контроли во рамките на мерката „Сите на терен“, стои во соопштението:
Согласно „Акцискиот план за грејната сезона 2024 -2025г.“ и обврските, до 23.01.2025г. до Министерството за животна средина и просторно плaнирање се стигнати извештаии за преземени акции од 13 општини од државата и тоа од општините: Прилеп, Тетово, Центар, Илинден, Велес, Штип, Крушево, Ранковце, Гази Баба, Шуто Оризари, Охрид, Град Скопје и Богданци. Во однос на мерката Сите на терен: Вонредни инспекциски надзори на терен за контрола на Б-Интегрирана еколошка дозвола и Елаборати-казнувања и опомени за горење масло, пластика и други опасни материи -казнување и опомени на мали сервиси и погони, општина Прилеп има направено 5 вонредни инспекциски контроли на мали производители и сервиси при што кај сите пет е утврдено дека нема горење на отпадни масла, за три е издадено решение за мерење на емисии во воздух од работата на котелот на пелети и доставување на податоците од МЖСПП, а за еден автосервис што се загрева на шпорет на дрва издадена е опомена – решение за изготвување на елаборат за заштита на животна.
И Општина Крушево од регионов е во групата на локални самоуправи кои поднеле извештаи за редовно мерење на квалитетот на воздухот:
Општина Крушево, во рамките на проектот Крушево и Елбасан – призната прекугранична туристичка дестинација, постави два уреда за мерење на квалитетот на воздухот, една во центарот за параглајдинг во Крушево и другата во близина на метеоролошката станица. Податоците после соодветната статистичка обработка се презентираат на веб сајтот на општина Крушево како и на други мобилни уреди. Истите се прикажуваат во реално време односно се обновуваат во временски интервал од неколку часови. Во однос на инспекторирањето, општина Крушево известува дека нема издадено Б-Интегрирани дозволи на нивната територија, а и нема инспектор за животна средина.
