Прилепската компанија Авто Контрол Станица за технички преглед со уште една донација за добробит на заедницата. Овој пат за потребите на Детското одделение во ЈЗУ Општа болница со проширена дејност „Борка Талески“ Прилеп Авто Контрол донираше лап топ за подобрување и олеснување на работата на медицинскиот персонал.
Како општествено одговорна компанија, ние веруваме дека секој мал чекор кон подобрување на заедницата има големо значење. Денес со особена чест и радост донираме лаптоп на Детското одделение во болницата Борка Талески од нашиот град, со надеж дека ќе придонесе за олеснување на работата на медицинскиот персонал и ќе донесе насмевки на лицата на најмладите пациенти. Грижата за заедницата е наша заедничка одговорност, и ние ќе продолжиме да даваме поддршка таму каде што е најпотребно. Благодарност до целиот тим на општа болница Борка Талески за нивната посветеност и грижа за децата, посочи Даниела Перканоска од Авто Контрол.
