(ВИДЕО) Алексоски: Комбинатот започна со откуп, целта е да го преземеме договореното производство од нашите кооперанти

Оригинален линк на написот: Radiopela.mk

Тутунски Комбинат АД Прилеп од денеска, 29 ноември започна со откуп на ориентален тутун во радовишко и во прилепско. Наредниве денови до крајниот законски рок 15 ти декември за почеток на откуп ќе бидат отворени сите откупни пунктови. Исплатата ќе се врши два дена во неделата. Комбинатот планира да го откупи целокупното договорено производство (најмалку 2 милиони кгр) што е повеќе од двојно во споредба со реализираниот откуп од ланската реколта (откупени 850 илјади кгр).

Во радовишко имаме отворено 6 откупни пунктови, во прилепскиот регион имаме отворено десетина пунктови, опфатен е градот и сите околни населби во прилепско, долненско, демирхисарско и битолско. Тутунски Комбинат е спремен до 15 ти декември до законскиот рок ќе ги отвориме сите откупни центри во сите предвидени региони. Нашиот таргет за годинава е да откупиме барем тоа што го имаме договорено со кооперантите или тоа би значело барем 2 милиони кгр. Комбинатот има обезбедено средства за сите овие предвидени килограми. Сакам да потенцирам дека на состанокот на бордот на директори е донесена одлука дека доколку дојде до покачување на цената на откупениот тутун во иднина, сите кооперанти што предале тутун ретроградно ќе им биде исплатена разликата. Така што кооперантите доколку се спремни можат слободно да го носат тутунот во откупните центри во Тутунски Комбинат Прилеп Во поглед на исплатата веќе е договорено и дефинирано да се врши исплата на договорениот тутун, два пати неделно: во вторник и во петок. Што значи секој што би донесол тутун, за два три до четири дена максимум ќе си ги добија парите за предадениот тутун. Нека ни е аирлија откупот, нека бидат задоволни најмногу тутунопроизводителите, а и сите откупувачи во Македонија, рече Алексоски на прес конференцијата со новинарите.

Во поглед на преговорите за откупната цена Алексоски рече дека тие се одвиваат паралелно со преземање на реколтата.

 

Категорија:

ОСТАНАТО ОД РУБРИКА

Формирана комисија за проценка на штетите од јунското невреме во прилепско

На денешната редовна седница на Советот на Општина Прилеп, советниците донесоа одлука за формирање на стручна комисија за проценка на штети во земјоделието  од невремето што се случи на 27 јуни 2025 година во прилепско. Општинската комисијата ќе треба да ги процени штетите направени во населените места: с. Кадино Село,...

Дејан Долгоски од Прилеп, добитник на третиот скутер од наградната игра на Авто Контрол

Во Авто Контрол Станица за технички преглед, Прилеп денеска беше третото извлекување од наградната игра  „Време е за скутер“. Традиционално и овој пат  Цацко од К-15 беше во главната улога за извлекување на 11 среќни добитници на вредни награди како што се: ваучери за хемиско чистење на патничко возило; ваучери...

Ребаланс на Буџетот и низа обвинувања и дискусии за проектните остварувања

Ребалансот на Буџетот на Општина Прилеп за 2025, предложен на денешната 63  Седница,  предизвика низа дискусии, поврзано и со предлог – развојните програми на општина Прилеп за период 2025-2027 година и предлогот за субвенционирање на ЈКП за 2025 година. „Ребаласот не дава никаков економски просперитет на градот“- констатира советникот, Никола...