Пензионерите денеска на своите трансакциски сметки ги добијa септемвриските пензии кои се со зголемен износ за 2.500 денари, а уште едно линеарно покачување од 2.500 денари треба да имаат со мартовската пензија.
Редица пензионери пред банкоматите во Кочани, забележа камерата на Радио Кочани. Тие се задоволни и велат дека за нивниот скромен буџет, сумата е добредојдена.
За исплата на пензиите до крајот на годинава со ребалансот на Буџетот се обезбедени дополнителни пет милијарди денари. Од тој износ, 2,5 милијарди денари се средства кои се трансферираат дополнително во Фондот за пензиско осигурување заради реализација на најавеното линеарно зголемување.
