Во сабота, спортскиот терен „Дамјан Груев“ во Чешиново ќе биде домаќин на завршниот турнир од детската фудбалска лига, во организација на ФК Атлетико 2021. Настанот ќе се одржи на 16 мај со почеток во 09:30 часот и ќе ги собере најмладите фудбалски надежи од генерациите 2014, 2015/16 и 2017/18.
Според организаторот, на турнирот ќе настапат околу 200 млади фудбалери, а посетителите ќе имаат можност да проследат голем број натпревари исполнети со спортски дух, фер-плеј и детска радост.
Од ФК Атлетико 2021 упатуваат покана до љубителите на спортот, родителите и граѓаните да присуствуваат на настанот и да им дадат поддршка на младите спортисти, со цел заеднички да се создаде вистинска спортска атмосфера во Чешиново.
Содржината на објавата е сопственост на Радио Кочани.
