Од полицискиот билтен на СВР Битола за подрачјето на Прилеп: физичка пресметка во прилепскиот затвор, управување автомобил без возачка дозвола и поседување на дрога:
На 30.03.2026 во 10:00 часот во ОВР Прилеп е пријавено дека во отворениот дел од Казнено – поправната установа Затвор Прилеп, осуденикот А.Ф.(34) од прилепско, физички го нападнал осуденикот Ф.С.(45) од Прилеп и притоа употребил остар предмет, нанесувајќи му повреди, констатирани во Општа болница Прилеп. Се преземаат мерки за расчистување на настанот.
На 30.03.2026 во 21:20 часот на ул. „Тризла” во Прилеп, полициски службеници од ОВР Прилеп го лишиja од слобода Е.Б.(37) од Прилеп. При контрола на патниот сообраќај, полициските службеници сопреле патничко возило „сеат” со прилепски регистарски ознаки, управувано од Е.Б., при што е констатирано дека го управувал возилото пред да се стекне со право на управување на моторно возило, односно без возачка дозвола. По целосно документирање на настанот ќе следува соодветен поднесок.
На 30.03.2026 во 23:30 часот на ул.„Орде Чопела” во Прилеп, полициски службеници од ОВР Прилеп го лишија од слобода С.К.(45) од Прилеп затоа што кај него е пронајдена и одземена марихуана. По целосно документирање на случајот ќе следува соодветен поднесок.
