Во 15:46 часот, денеска 20 март, заврши зимата и започна пролетта, а само 9 дена, на 29 март ќе се поместат и стрелките на часовнкот,за еден час понапред, со започнување на летното сметање на времето.
Долгоочекуваниот крај на зимата пристигна, но метеролозите најавуваат дека за викендов и идната недела сеуште ќе имаме ниски зимски утрински температури, кои ќе бидат неколку степени под нулата, иако дневната температура ќе достигнува и до 17 степни целзиусови.
Според астрономските пресметки оваа година пролетта ќе трае до 21 јуни, поточно до 10:24 часот, кога календарски ќе започне летото. Пролетта ќе трае 92 дена.
