Нема повеќе пожар на депонијата во Алинци. По тридневни акции на прилепските пожарникари екипи од јавните претпријатија, ЈКП Комуналец, Дирекцијата за заштита и спасување, општествено одговорни компании, совладан е огнот за кој се стравуваше дека ќе се прошири врз останиот дел од депонијата.
„Покрај големиот број луѓе, компаниите на располагање ја ставија и својата градежна механизација, цистерни и транспортни возила, додека Територијалната противпожарна единица повторно покажа висок професионализам и подготвеност за најголеми ризици,“ посочуваат од ЈКП Комуналец.
Зачестеноста од појавувањето на пожари на градската депонија наведува дека единствено трајно решение е регионалното депонирање на отпад, систем кој што предвидува претходна селекција на отпад и соодветни инсталации за управување со отпад.
