Во организација на Сојузот на училишен спорт – Прилеп, денеска беа доделени плакети и стауетки на над 300 учениците од основните и средните училиштата во Прилеп, кои биле општински прваци во 20 тина колективни спортскти дисциплини, во женска и машка конкуренција, за учебната 2025/2026 година.
„Организирани беа бројни спортски манифестации кои покажаа дека училишниот спорт во Прилеп има континуитет, квалитет и сериозна посветеност. Овие пехари и признанија се потврда за системска работа, за вложениот труд на учениците, наставниците и менторите, како и за поддршката од училиштата“ велат организаторите.
„Спортот ги учи младите на дисциплина, тимска одговорност, почит и истрајност, вредности што се темел за здраво и силно општество. Им честитам на сите наградени ученици и училишта и на Сојузот на училишен спорт за нивната посветеност.“, посочи градоначалнкот на Оптшина Прилеп, Дејан Проднаоски.
Општина Прилеп најави дека ќе продолжи со активна соработка и поддршка на училишниот спорт и во наредниот период во насока на подобрување на условите за спортување, модернизација на спортската инфраструктура и создавање можности што ќе им овозможат на младите да го развиваат својот потенцијал во спортот.
