Бардот на македонското спортско новинарство, почитувач и вљубеник на прилепскиот фудбал и Победа – Зоран Михајлов, деновиве е актуелен по своите заложби за спас на ФК Победа. По низата информации периодов, а особено по денешната прес конференција на Градскиот стадион во Прилеп и во просториите на клубот, Михајлов за Радио Пела сподели :
1. Не гледам излез, ама мислам оти со УЈП може да се најде заеднички договор;
2. Да се види со Општината таа да стапи на сцена. Да се види како да се враќа долгот;
3. Не ми е јасно кој е сега на чело на АД Победа, од кога се тие на чело и да се види во какви состојба бил клубот кога го преземале;
4. Да се бара одговорност и да се види што сториле со АД Победа, односно што пари вложиле и што потрошиле. Овде работите некако ми се јасни.
Незнам, но треба да се стори нешто.
Победа не смее да згасне, никако!
Ако треба да се оди и во Владата и таму да се објасни каква е ситуацијата, зашто со Победа не може никоја да си игра.
Победа мора да постои, без неа градот го губи својот идентитет. Тоа на сите треба да им е јасно. Ако згасне Победа поголем срам за Прилеп од ова – нема да има!
