Учениците во ООУ „Славчо Стојменски“ второто полугодие го започнаа со прекрасен новитет – во функција е пуштен новоизградениот мини фитнес центар во рамки на училиштето.
Центарот располага со две целосно опремени простории: едната со модерни и современи справи за теретана, а другата наменета за аеробик и пилатес активности.
Со ова, еден дотогаш нефункционален простор е пренаменет во современа мини теретана и фитнес центар, кој веќе станува омилено спортско катче за учениците.
Проектот е реализиран на иницијатива на училиштето, со силна поддршка од Општина Виница и со помош на општествено одговорни компании, што уште еднаш ја потврдува успешната соработка меѓу локалната самоуправа, образовните институции и приватниот сектор.
Вчера се одржа и првиот час во новиот фитнес центар, во присуство на градоначалникот Митко Костадиновски, што претставува уште еден значаен чекор напред во унапредувањето на условите за образование и спорт, како и во развојот на локалната заедница.
Заедно создаваме подобри услови, затоа што учениците го заслужуваат најдоброто.
Инаку, второто полугодие во сите училишта на територијата на Општина Виница започна навремено и непречено, во услови кои ги задоволуваат сите потребни стандарди за овој период од годината.
Содржината на објавата е сопственост на Радио Кочани.
