Утринава, нешто по 8 часот, избувна пожар во помошен објект на улицата „Јане Сандански“ во Кочани.
Од Територијалната противпожарна единица – Кочани информираат дека пријавата за пожарот ја добиле во 08:45 часот. На терен интервенирале две противпожарни возила и четворица пожарникари, кои со брза интервенција спречиле огнот да се прошири и да зафати соседна куќа.
Пожарот целосно бил изгаснат околу 10:00 часот. Според првичните информации, причинета е мала материјална штета, а повредени лица нема.
Содржината на објавата е сопственост на Радио Кочани.
