Во текот на вчерашниот ден, Претседателот на Комисијата на Агенцијата за електронски комуникација Орце Симов, ја посети Националната установа – Центар за култура „ Бели мугри“ Кочани.
При посетата, со Претседателот Симов беше разговарано за текот на постапката за реализација на донираните финансиски средства од Агенцијата за електронски комуникација, наменети за набавка на современа мобилна кино- опрема, за замена на веќе застарената и дотраена опрема стара речиси шест децении.
Симов беше информиран околу набавката на новата кино – опрема која е во завршна фаза по спроведената тендерска постапка и склучениот договор за набавка на нова, како и за планираните проекции на филмови на почетокот на месец март годинава, откако ќе биде инсталирана опремата и извршена неопходната обука на вработени лица за ракување со истата.
Претседателот на Комисијата на АЕК Орце Симов изрази подготвеност за идни соработки на АЕК со Центарот за култура, со надеж дека со осовременување на опремата и техниките за промовирање на културните вредности ќе влијае позитивно и ќе придонесе кон заздравување на популацијата од сите возрасни категориина подрачјето на Општина Кочани по трагедијата што се случи минатата година.
Содржината на објавата е сопственост на Радио Кочани.
