Учениците од ООУ „Никола Парапунов“ од селото Драгобраште, наставата во второто полугодие ќе ја продолжат во централното училиште, по завршувањето на целосната реконструкција на азбестниот кров, кој беше во исклучително лоша состојба и со сериозни проблеми со прокиснување.
Во рамки на реконструкцијата, извршена е и целосна замена на плафоните во сите училници, како и во училишниот хол, со што значително се подобрени условите за престој и настава.
Додека траеја градежните активности, наставниот процес се одвиваше непречено. Учениците ја следеа наставата во подрачното училиште во село Трсино, а за нив беше обезбеден и соодветен превоз од страна на училиштето.
Проектот е реализиран со финансиски средства во износ од 6 милиони денари, обезбедени преку јавниот повик на Владата за инфраструктурни проекти за општините, преку Министерството за образование и наука, изјави за Радио Кочани градоначалникот Митко Костадиновски.
Содржината на објавата е сопственост на Радио Кочани.
