Општина Виница и годинава ја продолжува традицијата на чествување на спортските успеси, организирајќи ја манифестацијата „Спортски асови 2025“ – настан кој веќе неколку години претставува симбол на признание, вреднување и афирмација на спортот и спортските достигнувања во општината.
Врз основа на Програмата за култура и спорт на Општина Виница за 2026 година, Општина Виница објавува Јавен повик за предлагање кандидати за избор на:
• најдобар спортист за 2025 година;
• најдобар млад надежен спортист;
• најдобра спортска екипа;
• најдобар спортски тренер;
• најдобар спортски работник.
Право на учество во изборот имаат сите спортисти, спортски екипи и спортски работници од спортски клубови регистрирани на подрачјето на Општина Виница.
Секој предложен кандидат е должен да достави копија од важечка клупска легитимација.
При пријавувањето потребно е да се приложат податоци за постигнатите спортски резултати, како и копии од добиените признанија за освоени места на турнири, државни и меѓународни натпревари.
Рокот за поднесување на пријавите е до 02 февруари 2026 година.
Документацијата се доставува до Одделението за јавни дејности, преку Едношалтерската канцеларија во Општина Виница.
За дополнителни информации:
074 248 033
Општина Виница
Содржината на објавата е сопственост на Радио Кочани.
