По Јубилеен 20-ти пат, традиционално, во организација на Детската Амбасада за Сите Деца во Светот, 500 деца ќе се дружат на свечен Божикен Ручекво Прилеп на 7-ми јануари, славејќи го Христовото раѓање. Гости ќе бидат деца од Прилеп, Скопје, Битола, Куманово, Тетово, Струмица, Охрид, Штип и од другите градови од Македонија, деца од различни целни групи, како и истакнати деца – членови на Детската Амбасада. Сите ќе седнат заедно на заедничка трпеза и ќе го прослават Божик, денот на Христовото раѓање .
„
Вредностите кои се промовираат со самиот настан се: еднаквоста, љубовта и мирот помеѓу децта. Тоа пак води до нашиот постулат на програмските задачи на Детската Амбасада дека сите деца се исти и еднакви во остварувањето на нивните права, односно дека ништо не е позначајно од среќата на детското лице, па затоа на оваа Божикна трпеза заедно се дружат деца од другите верски заедници, од исламската, католичката, еврејската и евангелско- методистичката, кои заедно ќе се дружат и ќе празнуваат. Како и секоја година нашата порака е во рамките на нашето мото „Едно небо за сите деца“, а тоа значи децата да се почитуваат помеѓу себе, да нема дискриминација и насилна комуникација, да преовладува толеранцијата и сите ние заеднички да придонесуваме кон градење на нашето општество. Бидејќи децата се нашата иднина.“, исткна, Александра Северкоска Стојаноски од Детската Амбасада за Сите Деца во Светот.
Настанот ќе се одржи со благослов на Неговото Високо Преоствештенство, Митрополитот Преспанско-Пелагониски и Администратор Австралиски и Новозеландски, Господин Петар,а оваа година ручекот ќе го благослови Неговото Преосвештенство, Викарниот Архиереј на Преспанско –
Пелагониската Епархија, Господин Никола. На сите деца ќе им бидат доделени пакетчина за слатки
сеќавања на Божикниот Ручек, за кои се погрижи Градоначалникот на Општина Прилеп, Дејан Проданоски. Децата ќе ги забаува танц студио „Зодијак“ од Прилеп, Димитар Иваноски од Прилеп и македонската мегазвезда, Христијан Настески – Пајак.
Оваа година на свечен настан Детската Амбасада за Сите Деца во Светот традиционалното најпрестижното признание за општествена одговорност ОРДЕН ЗА НОСИТЕЛ НА МИРОТ и го доделуваме на Амбасадорката на сите деца во светот Н.Е. Г-ѓа Гордана Нацева.
И оваа година, покрај добитникот на Орденот за носител на мирот, ќе се доделат и ПЛАКЕТА ЗА ПРИЈАТЕЛ НА ДЕЦАТА, за кои Детската Амбасада за Сите Деца во Светот одлучи да ги додели на: ЈП Македонска Радио Телевизија, Канал 5 Телевизија, Наша Тв Телевизија, Телевизија Тера, Радио Пела, Радио Холидеј и порталите Инфокомпас, Маркукуле и Шеталиште, медиумски покровители на Божикниот ручек во сите овие изминати 20 години.
Организацијата на овој 20-ти по ред Божикен Ручек успешно се реализира благодарение на пријателите на децата и Детската Амбасада, ЕЛС на Општина Прилеп, АК Инвест од Тетово, Алкалоид А.Д. од Скопје, Дексл Мајер од Кавадарци, Фиви принт од Охрид, Бимфуд Доо од Прилеп, Ингредиа од Кавадарци, Прилепска Пивара од Прилеп, Млекара А.Д. Битола од Битола, Винчини од Виница, Дизниленд трејд од Прилеп, Цвеќарница Дани од Прилеп, Фан продукција Зоран од Прилеп, Лолипоп ентертејмент груп од Скопје, како и сопствениците на пракрасната сала за свечености Симфонија од Прилеп. Медиумски покровители на овој настан се: Канал 5 Телевизија, Македонската Радио Телевизија, Наша ТВ Телевизија, Тера Телевизија, Радио Холидеј и Радио Пела, веб порталите Шеталиште, Маркукуле и Инфокомпас.
