Поголеми одрони се забележани по делчевското село Очипала, во близина на месноста Баткова Чешма, каде што на патот има поголемо количество земја и камења.
Интензивните врнежи од дожд во текот на ноќта предизвикаа одрони на дел од патните правци во земјава.
Поголеми одрони се забележани на патниот правец Делчево-Македонска Каменица по селото Очипала, во близина на месноста Баткова Чешма, каде што на патот има поголемо количество земја и камења.
Вдолж делниците на овој патен правец има и поситни одрони поради што сообраќајот е отежнат.
Надлежните служби апелираат до учесниците во сообраќајот да возат внимателно и со приспособена брзина и посочуваат дека екипи се на терен и работат на расчистување на патот.
Содржината на објавата е сопственост на Радио Кочани.
