Вчера во кочанскиот храм „Св. Вмч. Георгиј“ беше отслужена Света Архиерејска Литургија.
Со богослужбата чиноначалствуваше Неговото Високопреосвештенство, Митрополитот Брегалнички г. Иларион, кој пред започнувањето на Литургијата изврши осветување на новиот фрескоживопис во олтарниот дел и во припратата на храмот.
Осветени беа и иконите подарени од Рилскиот манастир – Бугарска Православна Црква, насликани од јеромонахот Павел.
На крајот од Божествената Литургија, митрополитот г. Иларион одржа пригодна архипастирска беседа, по што му подари граден крст на Архиерејскиот намесник на Кочанското намесништво, протоереј-ставрофор Станчо Ристов, по повод неговите 40 години свештеничка служба.
Во оваа прилика му посака здравје, долг живот и уште многу години усрдна служба на Бога и Црквата.
Исто така, митрополитот додели Благодарница на јеромонахот Павел од Рилскиот манастир – БПЦ, за неговиот труд околу изработката и дарувањето на иконите за храмот „Св. Вмч. Георгиј“ и како знак на признание кон верниот народ во Кочани.
Содржината на објавата е сопственост на Радио Кочани.
