Паѓа првиот снег на Попова Шапка за оваа сезона. Шапка е обелена и покриена со првиот слој снег што може да се види од видео камерите .
Управата за хидрометеоролошки работи (УХМР) за денеска издаде потрокалов метеоаларм поради очекувани обилни врнежи од дожд.
„Ќе има обилни врнежи од дожд, на повеќе места над 30 литри на квадратен метар, а локално и над 50 литри на квадрат. На планините врнежите ќе преминат во снег и ќе се формира значителна снежна покривка“, соопшти УХМР.
Најмногу снег се очекува на повисоките планини на северозапад. Ќе дува умерен до засилен ветер од северен правец.
Во Прилеп денеска се очекува највисоката дневна температура да достигне до 8 степени, а утре петок, само 6 степени максимална дневна температура.
Поради продор на постудена воздушна маса од север и засилен северен ветер, утре, петок на планините врнежите ќе преминуваат во снег, а поради натамошно спуштање на студен воздух ќе има услови да преминуваат во снег и на некои од повисоките места.
На повисоките планини ќе се формира значителна снежна покривка.
Од сабота времето ќе биде стабилно со ниски утрински температури кои ќе одат и во минус, а дневните ќе бидат во пораст.
