Футсал фудбалот се враќа во Кочани, за што голем придонес има компанијата „Ауто Велт“, која финансиски и во секој поглед стои зад оваа идеја, која веќе е реализирана.
Во просториите на Општинскиот фудбалски сојуз на Кочани на прес конференција денеска беше објавено дека е формираше нов футсал клуб, КМФ „Фудбал Старс – Ауто Велт“. Клубот ќе се натпреварува во Втората македонска футсал лига. Во моментов во него членуваат дваесетина фудбалери. Сезоната започнува кон средината на октомври.
– Изразувам голема благодарност до компанијата „Ауто Велт“, која ни ја овозмжи целата опрема, дресовите и ќе ги подмирува финаниски потреби за патувањата. „Ауто Велт“ е наш главниот спонзор. Како екипа изразуваме благодарност и кон Александар Андов, како директор на ОУ „Никола Карев“, за училишната сала што ќе ја користиме, и како претседател на ОФС Кочани, за опремата што ни е ставена на располагање од ФФМ и ОФС Кочани. Очекуваме дека ќе бидеме во топ три клубови на табелата во нашата прва натпреварувачак сезона во Втората футсал лига, изјави пред новинарите, Иван Стојчев, фудбалер на КФМ „Фудбал Старс – Ауто Велт“.
Тренерот на новоформираниот футсал клуб, Симеон Митев, добро познат на кочанската фудбалска јавност, соопшти дека сите административни процедури во Фудбалската федерација на Македонија се завршени.
– КМФ „Фудбал Старс – Ауто Велт“ е формиран, регистриран во Општинскиот фудбалски сојуз – Кочани. Тој веќе е реалност. На овој начин ја збогатуваме спортската понуда во градот, особено во текот на зимскиот период, кога првенствата во речиси сите лиги паузираат. Сериозни сме. Посветено ќе работиме да придонесеме што поголема масовност на нашите натпервари. За возврат на публиката ќе и испорачаме добра игри и резултати, оптимист е Симеон Митев, зад кого стојат дваесетина години работа со фудбалери од помладите категории.
Стартот на првенството во Втората македонска футсал лига е закажан за средината на октомври. Следната недела започнуваат подготовкит на КМФ „Фудбал Старс – Ауто Велт“ за нивната премиерна натпреварувачка футсал – сезона.
Содржината на објавата е сопственост на Радио Кочани.
