Основното јавно обвинителство од Кочани денеска отвори увид во големиот пожар што ја зафати фабриката „Макпрогрес – Винчини“ во Виница.
Од институцијата најавуваат дека активностите ќе продолжат и во наредните денови, бидејќи во дел од магацините со суровини и готова продукција сè уште има тлеачки жаришта.
За превентивна заштита, во непосредна близина на плинската станица – која не е зафатена од огнот – поставени се противпожарни возила.
Според најавите, утре во увидот ќе се вклучи и стручно лице – електроинженер, а веќе се обезбедени и снимки од безбедносните камери, кои ќе бидат предмет на понатамошна анализа.
Во текот на увидот се направени и голем број фотографии што ја документираат состојбата во фабричките простории и опожарените магацини.
Материјалот ќе биде дел од доказната постапка и јасно ја отсликува сериозноста на настанот.
Содржината на објавата е сопственост на Радио Кочани.
