Во законски предвидениот рок во Општината Чешиново – Облешево поднесена е една пријава за независен кандидат за градоначалник. За позицијата прв човек на оваа општина на изборите закажани за 19 октомври ќе се натпреварува Сане Јованов, како непартиска личност.
Во оваа општина поднесени се две независни листи со кндидати за советници.
ВМРО – ДПМНЕ сеуште нема истакнато свој кандидат за градоначалник во Општина Чешиново – Облешево, додека СДСМ ќе настапи со Горанчо Крстев, кој беше на таа должност во еден мандат до 2021, кога на изборите тогаш загуби од се уште актуелниот градоначалник Далибор Ангелов, кој доаѓа од редовите на владеачката ВМРО – ДПМНЕ и нема официјални информации дали партијата со него ќе „брка“ нов четиригодишен мандат.
Во најмалата општина во државата, Зрновци, нема поднесено листи со независни кандидати за градоначалници, ниту листи со независни кандидати за советници.
Таму, на Локалните избори на 19 – ти ВМРО – ДПМНЕ ќе истрча со Борчо Коцев,кому му завршува мандатот што го доби пред четири години, а СДСМ со Ванчо Митев.
Содржината на објавата е сопственост на Радио Кочани.
