На денешната 67 Седница на Советот на Општина – Прилеп по усвојувањето на дневниот ред, настана дискусии околу точките за усвојување на тримесечните извештаи за финансиското работење на Јавните претпријатија во Прилеп,за период од 01.04.2025 година до 30.06.2025 година, со акцент, пред се, за состојбата со ЈП за ПУП-Прилеп. Советниците од опозицијата го критикуваа нефункционирањето на јавниот градски превоз и финансиската дубиоза на претпријатието, за што од говорницата директорот на ЈП за ПУП, Бранко Нешкоски образложи за причините кои довеле до ваквата состојба потенцирајќи ги пред сè недоволните средства од државните блок-дотации за средните училишта, кои не ги покриваат реалните трошоци за бесплатниот ученички превоз, бесплатниот превоз на пенсионерите со пониски примања итн, „па разликата која изнесуваше 6/7 милиони денари ја покри Општина Прилеп од сопствен буџет“ рече тој. Тој нагласи дека од утре ќе почне да функционира јавниот градски превоз,бидејќи се надминати проблемите со исплатата на плати на вработените,вклучително и исплата на реализираните неделни часови, придонеси и додатоци за работни денови.
На денешната седница советниците едногласно ги усвои и годишните извештаи за работа и програми за учебната 2024/2025 година на основите училишта во Општина Прилеп, едногласно беа усвоени и одлуката за работа на воспитни групи со поголем број на деца во ЈОУДГ „Наша иднина“ – Прилеп, во сите објектите, како и согласност за работа на воспитна група со помал број на деца во објектот о ООУ,, Круме Волнароски“ во с. Беровци и ја прифатија одлуката за утврдување на почетокот и завршетокот на работното време на градинките.
На крајот на седницата беше усвоена и одлука за прифаќање на стигната донација, стоматолошка опрема за училиштата од Невладината организација „Hand Till Hand“ – Шведска, чија висина изнесува 30 илјади евра.
