Градскиот фудбалски клуб „Осогово“ од Кочани е подготвен за стартот во Втората фудбалска лига на Македонија закажан за сабота, 23 август.
„Подготовките што ги започнавеме на 14 август ги одработивме во целост, одигравме шест контролни меча. Задоволен сум“, рече Крсте Крстев, тренер на „жолто-сините“ од Кочани, на прес конференција на која клубот ја најави новата сезона.
Според Крстев, ростерот фудбалери со кои располага, вклучувајќи ги и засилувањата, овозможува рамноправен, рамо – до рамо однос со останатите второлигаши.
„Никогаш однапред не ветувам резулта, но, максимален ангажман на играчите и луѓето од стручниот штаб, сметам, ќе ни донесе директен опстанок во лигата. Доколку не послужи среќа, нека звучи нескромно, „Осогово“ оваа сезона може да биде пријатно изненадување“.
Годинава од Втората лига директно испаѓаат пет екипи, три играат бараж за опстанок.
ГФК „Осогово“ стартува в сабота, 23 август. Гостува во Македоска Каменица, каде ќе се сретне со „Саса“. Овој меч е локално дерби. Кочанчани сметаат дека дома ќе се вратат непоразени. Во второто коло ја пречекуваат „Преспа“ од Ресен, екипа која во последен момент доби лиценца за настап во второлигашката конкуренција.
Содржината на објавата е сопственост на Радио Кочани.
