„Помалку трошоци, повеќе за тебе“ – Владата донесе одлука со која цените на училиштниот прибор треба да се намалат во пресрет на новата школска година, за најмалку 10% во трговијата на големо и за најмалку 15% во трговијата на мало.
Попустот важи за се – од тетратки, ранци, моливи, фломастери, лепила, до калкулатори и ножици.
“Одлуката се однесува на период од 15 август 2025 година до 15 септември 2025 година, а трговците се должни покрај новата намалена цена на производите да ја објават и старата цена која важела на 01.06.2025 година, која цена се зема како базична цена на која се утврдува намалувањето. “- изјавија од Влада.
Од Владата велат дека ова е една од мерките со кои се штити животниот стандард.
“Треба јасно и видливо да истакнат плакат кој ќе содржи натпис „Помалку трошоци, повеќе за тебе“,како и натпис: попуст на училишен прибор, од најмалку 15%.“- изјавија од Влада.
Пресметката што ја направи Алфа покажува дека за почеток на учебната година родителите треба да потрошат и до стотина евра за едно дете. Трошоците се поголеми ако тоа е прваче.
Ранците сега се продаваат од илјада до три илјади денари, тетратките чинат од 15 па до 100, гумите 15 до 50, а боите и фломастерите од 100 па нагоре. Кога се ќе се собере сумата и не е така мала.
За разлика од претходните години, овој септември не би требало да има проблем ниту со учебниците. Министерството за образование веќе соопшти дека се обезбедени книги за сите деца и за сите одделенија, вклучително и за странските јазици.
Содржината на објавата е сопственост на Радио Кочани.
