Во ресторанот „Аледар“, синоќа, основачите на клубот одржаа редовно Годишно собрание на ФК „Кочани“.
2025 – та е дваесетта година од постоењето на овој клуб, во кој женскиот состав доминира.
ФК Кочани е основан 2005 година, основачкото собрание се одржа токму во „Аледар“ . Прв претседател е Ратко Димитровски, кој и во моментов раководи со клубот.
Истата 2005 – та година пионерската машка екипа на клубот учествуваше на меѓународен турнир што се одржа во Врњачка Бања, Србија и играше финале.
Но, женскиот дел од ФК „Кочани“, сепак, е она што го прави клубот препознатлив.
Кочанчанки сезонава го освоија првото место во Втората лига и обезбедија прволигашки статус во натпреварувачката 2025/26 година.
Нивните амбиции се борба за средниот дел од табелата и опстанок меѓу прволигашите, а акцентот ќе биде ставен на потенцијалот од сопствените редови.
Содржината на објавата е сопственост на Радио Кочани.
