Здружението на Роми „Авена“ од Кочани активно ја спроведува реализацијата на проектот „Зајакнување на ромските и про-ромските организации во Кочани во процесот на ЕУ интеграција“, поддржан преку ИПА III Програмата за поддршка на граѓанското општество.
Проектот има за цел да го засили учеството на ромската заедница во процесите на европска интеграција преку: истражување на состојбата и потребите на ромската заедница во Кочани, обуки за застапување и градење капацитети за претставниците на ромски и про-ромски организации, воспоставување на локална платформа за координација и заедничко делување, спроведување информативна кампања, и изработка на стратегија за застапување на правата и интересите на ромската заедница.
Во претходниот период, успешно беше реализирано теренско истражување преку анкета со над 100 припадници на ромската заедница и интервјуа со активни претставници од институции и граѓанскиот сектор, со цел добивање јасна слика за предизвиците, потребите и ставовите на ромската заедница во однос на ЕУ интеграцијата.
На 29 мај беше одржана првата од серијата еднодневни обуки која беше на тема ,,Застапување на правата и потребите на ромската заедница“наменета за 20 претставници од активни ромски и про-ромски организации од Кочани.
Учесниците се стекнаа со практични знаења и алатки за ефективна комуникација со институции и застапување на заедницата.
Овие обуки се клучен чекор во градењето на капацитетите на организациите за поактивно и поефикасно учество во локалните и националните процеси поврзани со европската интеграција.
Во наредниот период ќе следуваат уште две обуки, состаноци на локалната платформа, како и креирање на стратегија за застапување заснована на идентификуваните приоритети од теренската анализа.
Проектот се реализира со поддршка од партнерски организации и институции, со визија за долгорочна вклученост на Ромската заедница во демократските процеси.
Содржината на објавата е сопственост на Радио Кочани.
