Утре, фудбалскиот клуб Осогово ќе го игра најважниот натпревар во сезоната.
Во бараж дуел за опстанок во Втората македонска фудбалска лига, Осогово ќе се соочи со екипата на Шкендија од Арачиново.
Натпреварот ќе се одигра во Кавадарци, каде што ќе се решава иднината на клубот.
По сите предизвици што клубот ги помина оваа сезона, ова е моментот кога се брои секој глас, секој аплауз и секоја поддршка од трибините. Осогово мора сам да си ја испише судбината – на терен, со срце и посветеност.
Апел до навивачите – „Сите во Кавадарци!“
Во исчекување на евентуалните одлуки од Фудбалската федерација на Македонија околу истрагата за можен наместен натпревар меѓу Башкими и Кожув, Осогово не смее да се надева на туѓа несреќа. Мора сам да обезбеди опстанок.
Затоа, навивачите, љубителите на фудбалот и сите пријатели на спортот се повикуваат во сабота да бидат во Кавадарци – таму каде што битката ќе се води не само на тревникот, туку и од трибините.
На фудбалерите им посакуваме спортска среќа, сила и успех – цело Кочани е со вас!
Содржината на објавата е сопственост на Радио Кочани.
