Во недела, во храмот „Св. Великомаченик Георгиј“ во Кочани, ќе се одржи Света Литургија и поклонение пред иконата на Пресвета Богородица, дар од Рилскиот манастир. Оваа икона, изработена како акт на братска љубов и молитвен спомен од јеромонахот Павел и братството на Рилскиот манастир, пристигна како благослов за верниците од Кочани и пошироко.
За време на богослужбата, сите присутни верници ќе бидат помазани со свет елеј од гробот на Пресвета Богородица.
Братството при храмот упатува посебна покана за соборна молитва и поклонение до родителите и блиските на повредените лица (како и до самите повредени кои се во можност да присуствуваат), и до родителите и блиските на покојните, кои се преселиле на Небесата.
Содржината на објавата е сопственост на Радио Кочани.
