Специјализантите полагаа тест за вработување во Клиничка болница-Битола и општите болници во Прилеп, Охрид и Кичево

Оригинален линк на написот: Radiopela.mk

Започна процесот на решавање на недостигот од специјализанти во Клиничката болница Битола, општата болница со проширена дејност Прилеп, и општите болници Охрид и Кичево. Денеска 34 специјализанти во Битола полагаа тест за вработување.Тестирањето на приватни специјализанти се одвиваше на Техничкиот факултет во Битола.

Според Клековски, со денешната активност на долг рок се очекува покривање на специјалност кои недостигаат во здравствените установи во југозападниот регион на државата.

-Денешната активност е почеток и придонес за решавање на недостигот од човечки ресурси во болниците во овој дел од земјата и се надеваме дека ќе продолжиме со следната група специјализанти. Знаеме дека најголем дел од болниците во овој регион функционираат со намален број на лекари и ова е првиот чекор за решавање на проблемот. На долг рок очекуваме покривање на дел од специјалности кои ги нема затоа што во моментов нема доволно специјалисти. Со новите ресурси ќе се зголеми бројот во оддели каде што состојбата е критична во однос на потребни специјалисти за задржување на дејноста, истакна Клековски.

На прес конференција во Битола, проф. д-р Игор Николов, советник за здравство во Владата потврди дека вработувањето на млади специјализанти во здравствениот систем е државен императив.

Вработување на приватните специјализанти е приоритет за нас. Со овие вработувања ние ги задржуваме младите лекари во земјава, но и во системот бидејќи нашата намера е да бидат задржани во јавното здравство и да работат во системот. На младите лекари, на младите здравствени работници е иднината на целиот здравствени систем. Без здрави млади здравствени работници, особено специјализанти кои што сакаат да се едуцираат и сами се финансираат, не можеме да градиме сериозен и планиран здравствен систем, истакна Николов.

Извор: 4news.mk

 

Категорија:

ОСТАНАТО ОД РУБРИКА

Формирана комисија за проценка на штетите од јунското невреме во прилепско

На денешната редовна седница на Советот на Општина Прилеп, советниците донесоа одлука за формирање на стручна комисија за проценка на штети во земјоделието  од невремето што се случи на 27 јуни 2025 година во прилепско. Општинската комисијата ќе треба да ги процени штетите направени во населените места: с. Кадино Село,...

Дејан Долгоски од Прилеп, добитник на третиот скутер од наградната игра на Авто Контрол

Во Авто Контрол Станица за технички преглед, Прилеп денеска беше третото извлекување од наградната игра  „Време е за скутер“. Традиционално и овој пат  Цацко од К-15 беше во главната улога за извлекување на 11 среќни добитници на вредни награди како што се: ваучери за хемиско чистење на патничко возило; ваучери...

Ребаланс на Буџетот и низа обвинувања и дискусии за проектните остварувања

Ребалансот на Буџетот на Општина Прилеп за 2025, предложен на денешната 63  Седница,  предизвика низа дискусии, поврзано и со предлог – развојните програми на општина Прилеп за период 2025-2027 година и предлогот за субвенционирање на ЈКП за 2025 година. „Ребаласот не дава никаков економски просперитет на градот“- констатира советникот, Никола...