Во знак на длабока благодарност, родителите и децата од Македонија кои се наоѓаат на лекување во Воено-медицинската академија (ВМА) во Белград, симболично подарија скромен подарок – благодарница – со која им се заблагодарија на медицинскиот персонал за сè што несебично направија за нив.
Како што истакнуваат родителите, персоналот на ВМА не само што ги лекува нивните деца, туку и ја враќа насмевката на нивните лица, давајќи им сила, надеж и поддршка во најтешките моменти. Посветеноста, професионалноста и човечноста на вработените во оваа установа оставиле длабока трага кај семејствата од Македонија.
Тие упатија искрена благодарност до секој лекар, медицинска сестра и член на персоналот на ВМА, како и до градот Белград и цела Србија за гостопримството и поддршката што им е пружена.
Овој гест претставува силен симбол на благодарност и поврзаност помеѓу луѓето, покажувајќи дека хуманоста и грижата немаат граници.
Содржината на објавата е сопственост на Радио Кочани.
