На 26 март (сабота) во 17 часот ќе се одржи хуманитарна продажна аукција, предводена од НУЦК „Бели Мугри“ со поддршка од тимот на SUPPORTKO Кочани.
Настанот ќе се одржи во просториите на НУЦК „Бели Мугри“, информираат од SUPPORTKO Кочани.
На аукциската изложба ќе бидат истакнати повеќе од 50 уметнички дела – донации од реномирани автори од Македонија и странство, создадени и подарени со една единствена цел: помош за повредените од неодамнешната трагедија што го погоди Кочани.
Вашата поддршка како медиум е од особено значење. Со присуство и медиумско покривање на настанот, ќе придонесете не само кон неговата видливост, туку и кон засилување на општествената свест и солидарноста кои се потребни во овој момент, наведено е во поканата доставена до нашево Радио.
Ова не е само културен настан – ова е гест на заедништво, надеж и човечност.
Ви благодариме однапред за интересот, присуството и медиумската поддршка.
Со почит и благодарност,
SUPPORTKO Кочани
Содржината на објавата е сопственост на Радио Кочани.
