Утре, КЈП „Водовод“ треба да добие в.д директор, вели градоначалникот Крстевски.
По неморалната оставка на претходниот директор имаме рок од 5 денови за избор на В.Д. Директор. Кочанчани не смеат да се доведат во состојба да живеат во вакви услови уште еден месец, колку што е потребно за транспарентен јавен оглас.
Во најбрз можен рок ќе побарам вонредна ревизија од Државен завод за ревизија за да ги констатираат сите неправилности и слабости на претходните директори, да ја прикажат реалната состојба на Комуналното јавно претпријатие и да дадат упатства за понатамошно законско работење.
По добивање на таков извештај ќе распишам јавен и транспарентен оглас, каде секој чесен, квалитетен и компетентен кадар ќе може да се пријави и да се избере најдобрата опција, вели градоначалникот Крстевски.
Содржината на објавата е сопственост на Радио Кочани.
