80 години МАКЕДОНИЈА осигурување – ВИГ – Дом на доверба и сигурност

Од 1 март 2025 – МАКЕДОНИЈА осигурување – Виена Иншуренс Груп започна со гордост да ја одбележува својата 80-годишнина – осум децении исполнети со посветеност, сигурност и доверба.

Од своето основање на 1 март 1945 година, веднаш по ослободувањето, компанијата раснеше заедно со државата, станувајќи симбол на стабилност и заштита за генерации граѓани.

Иако низ годините го менуваше своето име, МАКЕДОНИЈА осигурување – Виена Иншуренс Груп секогаш остана верна на својата мисија – да биде сигурен партнер на своите клиенти, семејства и компании во секој важен момент.

За 80 години, без разлика на предизвиците и промените, нашите клиенти секогаш знаеја кога се сигурни.

По повод овој значаен јубилеј, претседателот на Управниот одбор и генерален менаџер, г. Бошко Андов, ја истакна важноста на довербата што клиентите ја имаат во компанијата:

Чест ми е да ја одбележиме оваа голема годишнина со сите наши клиенти, партнери и вработени – минати и сегашни. Вашата доверба ни беше и останува најголемата вредност. Со 80 години искуство, продолжуваме посветено да нудиме сигурност, стабилност и заштита за идните генерации. Оваа година е особено значајна бидејќи, покрај 80 години јубилеј на МАКЕДОНИЈА осигурување е и 200 години јубилеј на Wiener Stadtische Versicherungsverein.

Овие два јубилеи се одраз на долгата традиција, искуство и сигурност што компанијата и групацијата ги носат на своите клиенти – доказ дека сигурноста и довербата се темели на кои се гради долгорочен успех. Ви благодариме што сте дел од нашата приказна.” Годишнината ќе биде проследена со низа активности, вклучувајќи специјални кампањи, хуманитарни акции и проекти насочени кон унапредување на заедницата.

Прославата започна со средба и свечен настан кој ги обедини сегашните и поранешните вработени – луѓето кои со својата посветеност ја градеа оваа куќа на доверба.

Во текот на годината, МАКЕДОНИЈА осигурување – ВИГ ќе организира и јавни настани кои ќе ја нагласат важноста на заедништвото и сигурноста, вредности што компанијата ги негува веќе осум децении.

МАКЕДОНИЈА осигурување АД Скопје Виена Иншуренс Груп е во самите темели на сигурноста, довербата и финансиската стабилност на дејноста осигурување во Република  Македонија.

Првата осигурителна компанија со најголемо искуство и експертиза локално, чии почетоци се уште од 1945 година како државен завод, со преку дведецениско интернационално влијание и знаење, денес е стабилна институција во рамките на моќна австриска групација.

Содржината на објавата е сопственост на Радио Кочани.