Музеј „Теракота“ Виница го одбележа јубилејот 40 години од откривањето на Теракотните икони.
На манифестацијата по тој повод директорката на музејот Сара Даневска во име на музеј „Теракота“ додели благодарници на институции и поединци кои давале и даваат голема подрашка на активностите кои се спроведуваат од страна на музеј „Теракота“.
Теракотните икони и виничкото Кале се белег за нашиот град, со кој нема виничанец кој не се гордее. Со својата содржина и облик се светска реткост од ранохристијанската археологија и како такви се репрезент во светот на Виница и на Македонија.
Настанот беше збогатен со музички настапи на виничката група од Здружение на пензионери, како и на дуото Добрила и Дориан.
По завршување на официјалниот дел гостите на настанот и публиката имаа можност да уживаат во музиката на BILLY ESTEBAN.
Содржината на објавата е сопственост на Радио Кочани.
