В недела, фудбалскиот терен во Г. Подлог повторно ќе биде центар на младинскиот спортски дух, каде ќе се одржи традиционалниот турнир во мал фудбал, кој годинава одбележува 46 години постоење.
Турнирот е една од најдолговечните спортски настани во регионот, а годинава учество ќе земат осум екипи составени од млади и надежни фудбалери.
Натпреварите ќе се одвиваат во вечерните часови, спортскиот настан го отвораат екипите на „Горни Подлог и „Долни Подлог“, а влезот за публиката ќе биде слободен.
Организаторите најавуваат динамични и возбудливи натпревари, фер-плеј атмосфера и бројни моменти кои ќе се паметат.
Настанот и оваа година е финансиски и логистички поддржан од страна на Општина Кочани, која ја потврдува својата поддршка за младинскиот спорт.
„Ова не е само турнир, туку 46-годишна традиција што ги обединува младите, спортот и заедницата. Благодарни сме на Општината за континуираната поддршка,“ – изјавија организаторите
Сите љубители на спортот и фудбалската игра се поканети да присуствуваат и да ги поддржат младите спортисти кои со својата енергија и посветеност го одржуваат овој спортски настан жив речиси пет децении.
Содржината на објавата е сопственост на Радио Кочани.
