Два проекти за подобра животна средина доби Оптшина Прилеп, од Програмата за рамномерен регионален развој за оваа година (2025) преку Министерството за локална самоуправа – Биро за регионален развој.
Проектот „Подобро одржување на зелените површини во Општина Прилеп“ опфаќа нов мини багер, за поефикасно и континуирано одржување на јавните зелени површини низ градот. Финансиска поддршка е во износ од 2.500.000 денари преку повикот за развој на урбаните подрачја и одржлив урбан развој.
А, преку вториот проект, од истиот повик, со 2.000.000 денари, „Пошумување на споменикот на природата Маркови кули“, предвидена е набавка на трактор со приколка и дополнителна опрема, кои ќе послужат пошумување и заштита на Маркови кули, како важен природен локалитет на Прилеп. „Целта е воспоставување стабилност на еколошките процеси и биолошката предeлска разновидност“ велат, од Општина Прилеп.
“
Договорите за двата проекта се веќе потпишани и веднаш пристапуваме кон нивна реализација. По набавката, механизацијата ќе биде предадена на ЈКП „Комуналец“ – Прилеп, со кое што заедно ќе ги спроведуваме активностите на терен. Ова е уште еден доказ дека Општина Прилеп работи посветено и стратешки за подобрување на квалитетот на живот, заштита на природата и создавање почиста и позелена животна средина за сите граѓани.“ напиша на својот фејсбук профил, градоначалникот на Општина Прилеп, Борче Јовчески
