Во летниот период се пролонгира работното време на угостителите за еден час повеќе, односно тие секој ден од неделата може да работат до 1 часот по полноќ, заклучно со 31 август.
Доколку граѓаните забележат поголема бучава по дозволенто време за работа тоа може да го пријават кај овластениот инспектор за животна средина во општината.
Исто како и во летниот период со продолжено работно врме, угостителите работат и во периодот од 25 декември до 15 февруари.
Угостителските објекти за исхрана без оглед на видот на угостителските услуги во деновите петок и сабота, спроти празнични денови и празнични денови, како и во периодот од 1 јуни до 31 август и во периодот од 25 декември до 15 февруари можат да работат од 07:00 до 01:00 часот наредниот ден, а на 31 декември до 07:00 часот наредниот ден, 1 и 2 јануари до 03,00 часот наредниот ден, се вели во Законот за угостителска дејност.
Содржината на објавата е сопственост на Радио Кочани.
