Со гласање на делегатите/ките во Локалното собрание на млади се избраа новите членови на Локалниот младински совет(ЛМС) на општина Крушево.
Претставници на здруженијата Од млади за млади, Емпауринг Крушево, Културен Манифест, Тихе и политичкиот подмладок СДММ ги избраа како нови членови на ЛМС Крушево: Зоја Кардула – 19 години, Студент на Јустинијан Први, активна членка на Тихе – здружение за промоција на влашката култура и со големо искуство во Еразмус+ проекти и активности на неколку организации од Македонија, Зоран Кузманоски – 23 години, студент на Медицински факултет каде што е и координатор. Активен член на медицинската организација MMSA, Марта Кузманоска – 20 години, студент и со искуство во организацијата Емпауринг и проектите Youth Exchange, Зелен Фото глас, Младинска медиумска лабораторија и многу други, Марија Котеска – 16 години, ученик во СОУ Наум Наумовски Борче Крушево, дел од училишниот парламент, а основното образование го одбележува обавувајќи ја позицијата ученички правобранител. Активен волонтер во Црвен Крст и Цветанчо Стојаноски – 27 години, претприемач и доскорешен сопственик на Тобако Цукмар и волонтер во културни настани организирани од општина Крушево.
Општина Крушево се заблагодарува на членовите на Собранието за нивната исклучително важна улога во транспарентен и отворен избор на составот на ЛМС. „Сега е време за делување и за носење одлуки “ – велат младите од Крушево, кои охрабрени од формирањето на ЛМС со нови членови, планира низа активности за поквалитетен живот на младите во нивната заедница.
