Претседателот на Советот на Општина Прилеп свика вонредна седница на Советот на Општина Прилеп. На дневен ред на седницата се две точки:
Предлог-заклучок по информацијата за можно згрижување на одбиени баратели на азил од Велика Британија на територијата на Општина Прилеп и
Предлог-одлука за прифаќање на донација на детски новогодишни пакетчиња од компанијата КАМ ДОО.
За итноста од прват точка, пред неколку дена , премиерот Христијан Мицкоски истакна дека ќе побара од советниците на ВМРО-ДПМНЕ да поднесат иницијатива до советите во нивните општини за формирање документ со кој ќе се гарантира дека мигрантски кампови нема да има. Овој документ треба да ја потврди политиката против нелегалната миграција , “дека нема на територијата на тие општини да се создадат мигрантски кампови“, беше кажано од премиерот пред неколку дена.
